Waxaa habeenkii Sabti ee Axadu soo geleysay lagu qabtay woqooyiga magaalada London xaflad si fiican loo soo agaasimay oo ay ka soo qayb galeen odayaal ka tirsan bahda Kubadda kolayga iyaga oo ku xushmaynaya saaxiibkood Bashiir Cabdullahi Cali oo ku magac dheer (Bashiir Gurey) oo dhowaan loo caleema saaray xilka ah Gudoomiyaha Ururka Puntland ee Horumarinta Isboortiga, Dhaqanka iyo Waxbarashadda.

Shir ay isugu yimaadeen xubnaha  ururka  horumarinta dhallinyarada Soomaaliyeed ee gobolka Minnesota , Somali Youth Development Organization In Minnesota (SYDOM), ayaa habeenimadii xalayto oo taariikhdu ku beegnayd 02/05/2010 lagu qabtay xarunta ururkaasi ee magaalada Minneapolis-  gobolka Minnesota.

Naadiga horumarinta dhallinyarada Soomaalida/Maraykanka,  Somali/American Youth Enrichment Club oo ka mid ah ururada ku midoobay ururka horumarinta dhallinyarada Soomaaliyeed ee gobolka Minnesota (SYDOM), ayaa bilaabay tababar Kubadda cagta ah oo ay u qabanayaan dhallinyarada da’dooda u dhaxeyso 6 jir ilaa 18 jir, taasoo ay iska kaashanayaan ciyaartooydii hore ee K/cagta  iyo khubaro ku takhasusay K/cagta.

Dhamaan madaxda iyo xubnaha ururka SSAU oo ay magaalada London ka aas aaseen  cayaartoydii hore ee dalka ayagoo ka tiiraanyeysan geerida naxdinta lahayd ee bishan 2 deedii ku timid aabo Maxamed Shiikhow Jalbe waxa ay tacsi u dirayaan dhamaan reer Shiikhow Jalbe gaar ahaan Shaacir Shiikhow, Sahara Maxamed Shiikhow iyo saygeeda C/laaahi Cilmi Ereg "Xaaji".

Shir aad loo soo agaasimay oo uu soo qabanqaabiyey ururwaynaha SSAU oo ay dhawaantan qaarka mid ah cayaartoydii hore ee dalka iyo bahda sport ga London qaarkood ku aasaaseen magaaladan London ayna kula kulmayeen kooxaha kubadda cagta ee jaaliyadda soomaaliyeed ee dalkan Ingiriiska qaarkood ayaa habeenimadii axaddii ka dhacay xaafadda Tottenham ee isla magaaladan.