Kulan ay maanta isugu yimaadeen dhakaatiirta xulka qaranka iyo kooxda Manchester ayna goobjoog ka ahaayeen labada macalin Fergusson iyo Eriksson ayaa lagu caddeeyey in raajo kale la saaro lugta Rooney bisha Jun 7 deeda si uu macalinka xulka qaranku u helo fursad uu go`aan uga gaaro in uu ku badasho cayaartoy kale haddii la caddeeyo in aysan lugtiisu bogsan doonin ugu horeyn semi-final ka koobka adduunka.

Cayaaryahankan oo dhaawaciisu uu hareeyey wararka bahda cayaaraha dalkan Ingiriiska ayaa shaki wayn laga qabaa in uu u safan doono xulka Ingiriiska asagoo sidoo kale ka hari doona safarka ay xulkani ugu ambabixi doonaan dalka Jarmalka maalinimada Isniinta ah ee soo socota si loo hubiyo ka qaybgalkiisa cayaaraha adduunka ayadoo uu ka daba tagi doono haddii la sheego in uu raysan doono haddii kalena uu dalxiiskiisa kulaylaha iska aadi doono.

Maxamuud Ismaaciil

Cayaaraha-London