"Xiligii garoonka aan ku jiray oo aan waardiyeynayey shabaqa Xulka Qaranka iyo kooxda Wagad Ex Fiat, dadku aad ayey noo jeclaayeen, waxaana u halgamayey in aan guulo gaarsiiyo xulkeyga Qaranka Soomaaliya iyo kooxdeydii Wagad, maantana aad iyo aad ayaan u dhibaateysanahay, waxaan ahay xaasle, mana jirto meel aan ka shaqeeyo, biilka carruurteyda ma heli karo, aan ayaana ugu baahanahay gar gaar bini`aadannimo oo ay ii fidiyaan walaalaheyga Soomaaliyeed gaar ahaan dadkii i yaqaanay xilligii aan garoomada ku jiray, kuwaasoo hadda dibadda ku nool" ayuu yiri Goolhayihii hore ee Xulka Qaranka Nuuraani Muuddey Cabdi, oo ay ka muuqatay dhibaato xoog leh, oo dhinaca noloshiisa la xiriirta.