Tartankan oo ka koobnaan doona kubadda cagta dhalinyarada ayaa waxaa lagu qaban doonaa garoonka Linford Christie Outdoor Sports Centre oo ku yaala galbeedka magaalada London waxaana isku arki doona qaar ka mid ah kooxaha ugu awoodda badan uguna faca wayn magaaladan London ayna layliyaan qaar ka mid ah cayaartoydii magaca iyo maamuuska ku lahaa dalkeena iyo macalimiin kale oo ayaguna qibrad u leh kubadda cagta.

Waxaa sidoo kale mudada uu tartankani socdo ka dhici doona garoonkaasi tartamo kubadda cagta ah oo dhexmari doono caruurta da’yar ta iyo waliba cayaartoydii hore ee dalka oo ayagu ka cuslaaday kubadda cagta.

Hadaba ayadoo si aad ah loo sugayey qabashada tartankan ee sanadkan maadaama uu yahay tartankii ugu horeeyey dalkan UK lagu qabto oo ay maamulkiisa iyo qabanqaabadiisaba hogaan u yihiin cayaartoydii hore ee dalka isla markaana la xadiday tirada kooxaha ka soo qaybgalaya sanadkan ayaa waxaa lagu wargelinayaa kooxaha soomaaliyeed ee danaynaya ka soo qaybgalka tartankan in ay u soo gudbiyaan codsigooda si dhakhso ah.

Ururwaynaha SSAUK waxa uu sidoo kale ku martigalinayaa ka soo qaybgalka tartankan dhamaan jaaliyadda soomaaliyeed ee Sport ga jecel kuna dhaqan magaaladan London iyo nawaaxigeeda, ururada jaaliyadda iyo ganacsatadaba si ay qayb uga noqdaan horumarinta dhalinyarada iyo caruurta soomaliyeed.  

Wixii faahfaahin dheeraad ah iyo codsiga ka soo qaybgalkaba kala xariir xoghayaha ururkan Mohamed Hassan, emailka ah hassanbarre50@hotmail.com 

Press release in English.

SSAUK