Kooxda Soomaalida ee Banadir Telecom, waxay shalay soo bandhigtay ciyaar aad u macaan oo qancisay dhammaan taageerayashii daawadasheeda ka soo qeyb galay goroonka Khartuum Stadium ee magaalada Khartuum, waxaana ciyaartaas   ku soo idlaatay 2-2, iyadoo qiimeynta ay sameeyeen guddiga farsamada iyo anshaxa xiriirka bariga iyo bartamaha Africa ay sheegen in Banadir dhinac kasta ka fiicneyd kooxda Prison. 

Xidiga qadka dhexe uga cayaara wadanka Ecuador Antonio Valencia ayaa heshiis 4-sano ah la gaaray Naadiga Man United kadib markii ay Kooxda Wigan ay aqbashay in laacibkan ay ku iibiso £16m.

Kooxda K/cagta  Banadir Telecom ee ah horyaalka kooxaha heerka 1-aad ee wadanka Somalia ayaa caawa soo bandhitay kubad aad u macaan oo qancisay taageerayaashii ciyaartaas daawanayay, kaddib markii ay fooda is dareen kooxda Prisons ee wadanka Tanzania, waxaana ciyaartaaas oo ay daawashadeeda ka soo qeyb galeen boqol taageerayaal Somalia oo uu hoggaaminayay sariifka Somalia ee Sudan Proff. Mahdi iyo Guddoomiye xigeenka Baarlamaanka Prof. Dhaxla ay ku soo idlaatay 2- 2.

Kooxda K/cagta ee Banadir Telelcom ayaa ku jirta dadaalkii ugu dambeeyay ee isku diyaarita ciyaaraha koobka 35-aad ee kooxaha horyaaladda bariga iyo bartamaha Africa  ee CECAFA oo galabta si rasmi ah uga furnaya magaaladda Khartuum ee wadanka Sudan, waxaana tartankan oo aad u xiiso badan ay kooxdeena Somalia berri galab la ciyaari doontaa kooxda Prisons ee wadanka Tanzania.

Xulka qaranka k/cagta wadanka Brazil ayaa ku guuleystay koobka qaaradaha, kaddib markii uu 3-2 ku garaacay dhiggiisa wadanka Mareykanka, waxaana ciyaataas oo aad u xiisa badneyd ay ka dhacday garoonka Ellis Park Stadium  ee magaaladda  Johannesburg  ee wadanka S/africa.

Maalinimadii shalay oo taariikhdu ay ku beegnayd  06/25/2009, waxaa garoonka kubadda cagta ee loogu magac daray James Griffin Stadium oo ku yaalla Magaalada Saintpaul ee gobolka Minnesota  si rasmi ah uga furmay tartamadii cayaaraha kubadda cagta, Kubadda Koleyga iyo cayaaraha fudud.

Kooxda K/cagta ee Banadir Telecom ayaa galabta soo gaartay caasimada wadanka Suudaan ee Khatuum, kaddib markii aya ka soo duushay magaaladda Nairobi oo xaflad sagootin ah ay ugu soo sameeyeen guddoomiyaha guddiga Olombikada Aadan Xaaji Yabaroow Wiish, Jaaliyada SOomaaliyeed ee Sport ee wadanka Kenya, ayna Goob joogeyaal ka ahaayeen marti sharaf ay ka mid ahaayeen, guddoomiye ku xigeenkii hore ee Xiriirka K/cagta Mudane Indhocaad,  Tababarihii qaranka Macallin Baskuwaale iyo Garsoorihii hore ee  Cadaay.